رسالة من طرة

 

-مفتتح-

یا شئ فى القلب مش منطوق

یا شئ فى الحلق

یا اخر رغبة للمشنوق

یا ساعة الشنق

یا حاجة شدیدة للنسیان

یاسجن و موتة بالمجان

یا أصدق معنى للإنسان

" یا كلمة " لأ

ببوس ایدك

وبلبس بدلة التحقیق

على لحمى فى صلاة عیدك

أنا اللى ھربت من الممالیك

" وانا الطفل اللى ابوه " زھران

أنا اللى فى لمة الصعالیك

بسبح باسمك الادمان

یا ناسیانى

...أنا الطین اللى قبل شریعة الخرسان

....

وفى قلب ھذا اللیل

مااملكش غیر انى ابتسم

 واخد بلادى فى حضنى واحكیلھا

عن سیرة كل المحبوسین .. برة

خارج حدود السجن

و قبضة السجان

عن حاجة الإنسان .. الى الإنسان

عن حلم كان جایز

و بالإمكان

عن شیلة كانت ممكنة

.والكل شایلینھا

....

 واضحك

على غنوة قالوا " مجرمة"

و قاموا لھا میت متراس

لاجلن یصدوا الشمس

والفكر جوه الراس

عایزین یخبوا الأمس

بالضبة والترباس

مانعین علیھ الھمس

ومعینین حراس

غربان ضعاف النفس

!مابیشبھوش الناس 

لكن .. ویاللعجب

قدره ھناك مكتوب

 من جملة الزنازین

زنزانتھ مافیھاش طوب

ولا حتى فیھا حدید

ولا فیھا كان مغلوب

براھا ... سرب عبید

!جوه .. مسیح مصلوب

والشوك مافوق جبھتھ

شاھد وبیدینكم

خنتوا ھناك ثورتھ

والذل فى عیونكم

انتم یھود الأمس

مھما اختلف دینكم

وان مھما زاد اللبس

.راجعین وعارفینكم

......

 یاللى حبستوا النور

النور اھھ عریان

 لا یھمھ ِعلو السور

ولا تفھمھ القضبان

ولا بدلة المأمور

ولا یشتھیھ نسیان

لو خدتوا منا میدان

فیھ ألف ألف میدان

 انا فیھ میعاد منظور

ومیداننا مش خَّوان

من كل غصن زتون

ح نحیك لكم اكفان

و ح یرجع اللى اتقتل

صاحى .. فتى .. غضبان

لھ تار مع اللى قتل

لھ تار مع اللى خان

واللى فى لیل الامل

طاطى ووطى ونام

راجع وجرحھ اندمل

فارس مالھش لجام

راح ینصب المحكمة

ویصلى بینا إمام

وینور اللى اتعمى

و يشَّمر الأكمام

 مقتول صحیح إنما

لھ دوره فى الملحمة

 واقف ھناك أدام

......

 راجعین

بنسمى الله

ونقول راجعین

  راجعین

الإید فى الإید

ونقول راجعین

راجعین حالفین ح نطول النور

مع فجر جدید وضمیر شَّواف

راجعین شامین فى عروقكوا الخوف

وھتافنا اللیلة ده أحلى ھتاف

"ما احناش بنخاف"

..!ما احناش بنخاف

......

 ورأینا بلاد

بتقوم من النوم

وتدوس فرعون

وبتغسل عصر العصا والشوم

ورأینا بلاد

بتغنى أغانى تلیق بولاد من خلق حدید

ولا تشبھ اى غناوى عبید

ولا تشبھ كل نعیق البوم

ورأینا بلاد

..مافیھاش مظلوم

 

جلال البحیرى

سجن القاھرة

 2018 مایو