عندى میعاد مع بكرة

 

أنا عندي میعاد مع بكرة

بس انا في السجن یاعم

انا نفسي أشوفك بكرة

فَ لو حتى تجیني فـ حلم

و ادي بكرة مابیجیش بكرة

! والقلب بیشلب دم

مابین القهوة والدخان

مابين الفرشة والقضبان

مابین السجن والسجان

َ مابین التوهة والفوقان

. . بستنظر

وسور السجن ماعرفناش

! ولا شافش البشر فینا

ولا یفهمش غیر ان البشر سُجنا 

نِمَر ميرى

تملي وقوفها طوابیري

حیاتها وموتها طوابیري

یاشعب بیتولد ویموت

 . . بیستنظر

!! یاحریة

یاأجمل بنت في الدنیا

وأصعب بنت في الدنیا

أمانة علیكي تدیني لبكرة میعاد

. . ولو ثانیة

وتدیني خطاوي جداد

وقلب حدید مبیملش

وناس بتحب ماتخافش

ووعد جدید مهوش متعاد

. . لیالي تمر یاسمرا

- ولو عارفة -

في هذا السجن بتعدي

اللیالي شداد

وقلبي بینجرف في السیل

وروحي بتترعش وتمیل

و اتاري الصبر مش كافي

ولا شافي

 . . ولا هو جميل 

 

وانا غایب

وانا وانتي .. شبعنا غیاب

فَ هذا الفجر مش صادق 

وهذا اللیل مهوش كداب

وآه یاسجن من برة

وآه یا آهه مش حرة

وآه یاسجن جوایا

حیطانه عنیدة مالهاش باب

آهین یافرقة الأحباب

. . ونستنظر

برغم بشاعة المنظر

ورغم ان القمر غایب

وریحتك في الضلوع خنجر

وطعمك في الخیال سكر

وعشقك . . مَسّ ربَّانى 

امسه بروحي واتكسر

وتطلع مِالركام صورة

رقیقة ریحتها كالعنبر

 . . وتتفسر

بكل بساطة تتفسر

سنین السجن والمنفى

وجوه القلب لو عارفة

حروف اسمك بتتخفى

. .  بروچ أحمر

وانا قاعد في سجني یاعم

یزورني الحلم شایل حلم

ویرحل هم سایب هم

وبستنظر . . میعاد بكرة

!یجیني بكرة متأخر